نسى إسمي وبإسم غيري ناداني
جرحني جرح ما عمــري تألمته
وتأسف لى وتعـــذرلي وترجـــــــاني
يقول غلطه وسكــت عنه ما كلمته
شسامح فيك تناديني بإســــم ثاني
حســافه بس غلاك بالروح سكنته
اليوم أسمي باكر بكبري تنســاني
خلاص أرجــوك لاتفتح باب سكرته
خلاص أنا محيت أسمك من لســــاني
وكل أســـــم على أســـمك تجنبته
ما عاد حبك يهز شي في وجداني
ولا أنت ذاك الطـــــفل اللى دللتـه
أنا ما أعرف أشيل هموم ولا أعــاني
ولا أندم على إنســـــان اذا عــفته
وأدوس أنا على جرحي وأحزانـــي
هــــذا اللــي من الدنيـــا تعلـــمته
الثلاثاء يوليو 22, 2008 1:08 pm