يوميات فتاه سعـــــــيدة .... (( الجزء الثاني هع ))

السلام عليكم يا اعضاء المنتدى


ها نحن نعود مجددا ً في يوميات فتاة سعيده ...


ويتيكم الباقي ..



.................................................. .................................


المهم ..


وصلت البنت الدوام .. متأخره ..


يوم دخلت مقر عملها ..


و اهي عادي عندها .. ولا كنه شي استوى ....


كانت في انتظارها مسؤولها ....


قال : وينج متأخره هاا ردي ...؟


اهي شو قالت : الله يهديها الوالده .. مسكينه والله ... قالت لي ما اظهر من البيت الا يوم اتريق ..

عاد الوالده مسويه ريووق .. و انا قلتها متأخره بس حلفت فديتها حاولت لكن .. ما في فايده .. سامحني والله ما كان قصدي اتخر ...


شوفو المدير شو قال : هيه والله امج تحبج شكلها ..


و بدت سوالف ضحك بينهم ...


و البنت ضمنت انه ما شي خصم .....

المهم سارت المكتب مالها



في الطاوله اللي جدام ..

طاوله حلوه ... فيها ورود .. و صور يهال صغار .. صور الشيخ محمد بن زايد .. و ما ادري شو


و في الدرج الاول الاوراق .. العمل ...


و في الدرج الثاني .. اوراق الموظفه اللي تشتغل ..


و في الدرج الثالث .. عدت الموظفه (( يعني المكياج و العطور .. اشياء التجميليه الخفيفه السريعه ))


و طاولت البنت اللي نحكي يومياتها .. نفس الشي تقريبا ..



انا ليش قلت تقربيا ....


الحين تييكم السالفه ..



المكتب في بنتين ...


و يوم ادش المكتب مالهم .. و تشوف الطاولات ... يتضحلك من الرايه انه في تحدي بين البنتين منو احلا طاوله ..


وصلت خويتنا المكتب ..


هلا والله شحالج بلاج متأخره ...


اهي شو اتقول ... والله كنت تعبانه واااايد ... نشيت الساعه سبع .. و صلت الدوام الساعه 7:45

(( يعني ليش ما تبين اتقوليلها انج نشيتي الساعه اربع الفير ... اهي نفسج تقريبا .. ))


و تحط خويتنا الشنطه فوق الطاوله .. و تفتح الشنطه .. وشوف شو طلع ...


يا عيني ... يا ليل ...


اقولج : هذا امس انا اشتريته من لايف استايل .. والله وايد حلوو ... (( اعتقد كل البنات يعرفون لايف استايل ))

الثانيه شو اتقول :: الله ... وااايد حلووو ذوقج .. بس طالعي انا شو اشتريت .. من ابوظبي موول ..


شو اتقول خويتنا :: الله فن و ربي ... وين في اي مكان في ابوظبي مول ...


الثانيه شو اتقول :: والله محل في الطابق الثاني ... حذال المحل مال الاغاني .. والله ما اعرف اسمه لاني كنت مستعجله ..


(( شوف النذاله واصله ... ما تبا اتقولها عسب ما تاخذ احسن عنها .. ))


المهم ...


سوالف ....


و سوالف ...


و بعد السوالف ما انتهت ...


بنت جيرانهم ما سلمت منهم ...


بنات الناس كلهم انذكرووا في سوالف البنتين اللي فوق ..


المهم مر الوقت كله بسرعه عند البنات ..


كلامم يسحب كلام اكيد بمر الوقت ...


المدير المعتوه يمر عليهم و يتفقد الموظفين ...


هاا خلصتو الشغل اللي عليكم ...


((( يعني كيف خلصووها اهم قالبينها سوالف )))


(( بس العذر موجود .. والبنتين متفاهات .. ))


لا و الله .. اصلا ما شي شغل واايد اليوم بخليه حق باجر ..


عاد المدير مصدق ... هيه زين ... زين ..


و راحت البنت و انتهى دوامها ..


ووقعت على ورقت الانصراف ..


و ركبت السياره ..


ويلا ... (( عادت حليمه لعادتها القديمه .. ))


الحين البنت بترد البيت ..


انا الصراحه ما فيني اكتب لانه نفس الجزء الاول ..


بس عكس الطريق .. (( يعني في الجزء اول كانت رايح الدوام .. في الجزء هذا راده البيت .. ))



يعني خلص دوامها الساعه 2 ..


ووصلت البنت الساعه 3 ..



و تسير على غرفتها على طوووول ... تعبانه البنت من كثر الشغل .. (( قصدي الكلام ))


و ام ... تعالي الغدا ..... ما في امل .. البنت مسويه رجيم قاسي ..




و ترقد الاخت العزيزه .. من الساعه ثلاث لين الساعه 7



تعبانه ما تنلام ..



وعت البنت ... الساعه سبع ..


- ميزه - البنات يحبوون النظافه لدرجه ... ما فيني اقول .. لووول


دشت الحمام و سبحت ..


و تعدلت ... و كل شي مثل السالفه اللي في الجزء الاول ..



يعني استغرقت ساعه و نص تقريبا ً


يعني استوت الساعه 8:30


و راحت ...


الام .. وين


قالت ابا اشتري ملابس .. تعرفين نزل اول الراتب .. جي يعني ..


الام الله يوفقج والله الله فالدرب ..


بكل ابتسامه


اوكي ترقبي ...


الام .. ما عرفت شو تقصد بنتها ..



و راحت .. البنت تسوق ..


ويلا ... نفس الموال ...


عاد الحين كلكم تعرفون كيف اتسوق اختنا الغاليه ..


وصلت المول ...



بس لحظه .. قبل دخول المول ...


ندخل في عقل الاخت و انشوف شو اللي يدوور في راسها



_____________

هاااا اول شي بشتري شي فن ما اعتقد احد من الموظفات عنده امممممم

ثانيا ابا اشوف المحل اللي اشترت منها رفيجتي .. يمكن اتقص علي ,, ما ادري ..

بس لو طلعت ما تقص علي ,, والله بسكتها بشتري شي احسن عنها ..

اوووه صح لازم اشتري ملابس يديده .. عسب يقولون اني حلوه .. ليش يقولون اني حلو انا حلوه اصلا ..

النعاااااااال ممممممممم لا ما يحتاي .. عندي في البيت نعال و في السياره نعال و في المكتب نعال

نو نو ما يحتاي ..

هيه صح نسيت الوالده لازم اشتريلها شي مسكينا الوالده والله انا احبها مووت ..

____________

هذا ما يدور في عقل الاخت قبل ما ادش ..


عاد يوم دشت المول و شافت المحلات و اغراءات المحلات ..


تغير راايها كليا ً



و بدأت تفكر و تفكر ...


على العموم ..


اشترت و اشترت ...


يعني البنت دلعة عمرها ... و هذا من حقها بعد محد يقدر يقول لا ..


.....


البنت تعبت ...


و يوعانه و تبا تاكل ...


شو الحل ...


لازم بمسك الختام ..


صحنين بيزه هوت .. عالطاير ... واحد ببسي عوود ..

و انتهى الموضوع ...


ردت البيت الساعه 10 .....


هلا امي شحالج ...


من الساعه 10 لين الساعه 12 .. اهي تراوي امها شو اشترت ..


و ام فرحانه .. بنتها تلبس الزين و حلوه .. جي يعني ..


عاد اخر شي .. يابت حق امها خاتم الالماس ..


قالت هذا لج ... يعني الصراحه ... تستاهل صفقه هني ..


المهم تعبانه البنت ..


قبل ما تنام


شو تسوي ...



النظافه من الايمان .. ولازم تسبح لانها ردت من المول محمله بالمكروبات و الغبار و الفايروسات ..


يعني الساعه 1 فليل خلصت كل شي و نــــــــــــــــامتــ



و تصبحين على خير ..


و تنش



و على نفس الموال





هاي يوميات فتاة سعيده بالتفصيل الملل ..


ارجوا من الله ان البنات ما ياخذون بخاطرهم علي ..


لان هاي حقيقه ... لووووول ... ولازم الواحد يرضي فيها ...


و على فكره هب كل البنات نفس الشي ..


و السمووحه عـ القصوور ....